كتب حسن الإسكندراني:
غلاء الأسعار الفاحش وارتفاع السلع والخدمات، تسبب فى عدم توزان الأسر المصرية التى لم تجد حلا تستطيع من خلاله تدبير نفقاتها فى ظل قيام الانقلاب الحاكم فى مصر برفع الأسعار تباعاً دون النظر لحالة المصرى "المعدوم".
وقد طرحت إحدى منصات التواصل، سؤالاً: بكم تستطيع العيش فى مصر، رد عليه النشطاء ورواد التواصل ومنصاتها المختلفة على هذا السؤال المؤلم حسب تعبير أحد النشطاء.
فيما يلى نرصد عددا من التعليقات التي تكشف مدى تدور حال الأسر والمبالغ المالية التى تستطيع العيش بها وجاءت كما يلي:
نشوى حسنى قالت: 10 آلاف جنيه، يا دوبك لو عندك ثانوية عامة واعدادية ودروس وموصلات وأكل ولبس.
فى حين قال أحمد مالك: يادوب تدفع كهرباء ومياه وغاز وبيتك وجزء للأولاد وباقي طوارئ.
أما الحساب الذي أطلق عليه صاحبه "صن رايس" قال: أنا شفت كل الإجابات أقل واحد 3500 وفي الوسط من 4 إلى 5 وشوية شطحو في 10 و15.. السؤال الدخل الفعلي لمعظم الناس مش يوصل 2000 جنيه.. طيب حيجيبو النقص من وين.. أنا مش بلوم الموظف لو اضطر ياخد رشوه عشان يقدر يعيش.
أحمد عبد الرحمن قاسم أعلنها صريحة: محتاج تعيش بره مصر علشان تكون بنى ادم.
بينما علق أحمد أحمد إسماعيل فقال: بجد والله كل يوم مش أقل من 500 جنيه.
داليا حسنى أضافت: أهم حاجه مش الفلوس أهم حاجه البركة ودي من عند ربنا، وأعقبها إجابة من تدى الورد التى قالت :d محتاج عالمرتب 1000ج.
محمد سعد قال: تقريبا 7000ج وربنا يسهل، ومروان السيد قال: احنا محتاجين ضمير أكتر من الفلوس.
وواصل رواد التواصل والنشطاء حديثهم: حيث قال عماد اركيب: 4000 شهريا تناسب بالعافيه اقسم باالله الاسعار دي.
إسلام علي أقل تقدير علشان أعيش مرتاح ماديا 6000 جنيه.
روميو وابس، مش عوزين مرتبات بس يسبونا فى حالنا وكانت ماشيه بستر ربنا.
أما ولاء سعبان فقال: يدوب خمس الاف، وزاد مجدى الشرقاوى فقال: ولا 50000 جنيه. وتبعه جولد شين فقال: مش اقل من ستة الاف وهواة الفصال يمتنعون.